Wednesday, January 31, 2007

Elza3eeeeeeeeeeeeeeeeeeeem

دا شعب فقرى
نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد "غازه" لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
(متسلطنة بالسرطنة)
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
(بخيار)
حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم


أحمد فؤاد نجم

5 comments:

Hany Barakat said...

Very nice post! Very intersting! bs ymkn msh kol el nas 3'adba 3ala sa3dto! ya emma ba2a kan seme3 el kalam w meshy! w elly lw el nas 3'adba 3leh mamshesh, el nas t3rf tmashy aboh!

adhm said...

احمد فؤاد نجم دة دماغ لوحدها وشكلة كدة بيحفر قبرة بايدة

دماغ ماك said...

kolona haza al raggol

قلب يحترق said...

ya salam 3leek ya a7mad ya fouad ya negm ya salam

eih el gamal da

eih el 7alawa de

beyo7for abro be2edo leh ya adhm ba2a

3eeb 3leek ya ragel ma el ragel 7lw aho looooooooool

Anonymous said...

3am a7mad da ragal zay el 3asal...